„Кафе и книги“ продолжува со постирање прекрасна македонска поезија која заслужува да биде споделувана и читана. Македонската поезија е полна со волшебни зборови кои будат најсилни емоции! Денес изборот падна на „Таа“ од Анте Поповски! Уживајте!
Таа – Анте Поповски
Никојпат не е таа сама.
Таа се две: онаа која бесконечно молчи
и онаа која го слуша моето молчење.
Никојпат не е таа сама.
Таа се две: онаа која бесконечно чека
и онаа која влегува во своето чекање.
Никојпат не е таа сама.
Таа се две: онаа што е распната
и онаа која ги кове клинците врз себе.
Оваа песна до бесконечности продолжува
зашто никојпат не е таа сама:
сама се чита – сама се пишува:
Сама себеси врата – сама себеси клуч.
Кафе и книги 